Pembukaan Pasambahan/Pidato

Ditulis oleh amiral Agus Rajo Lelo

Sambah sujuik jo simpuah, sabarek buka nan piawai, naraco luruih main daun, indak basisiak jo basibak, indak bahinggo jo babateh, kok ketek indak basabuik namo, kok gadang indak babilang gala, ujuikno sambah nan taserak kapado hadiran sadonyo
Disadur : Pasambahan/Pidato alek Adat Minangkabau.
________________________________________
Pengantar/Pembukaan
• Sambah sujuik jo simpuah, sabarek buka nan piawai, naraco luruih main daun, indak basisiak jo basibak, indak bahinggo jo babateh, kok ketek indak basabuik namo, kok gadang indak babilang gala, ujuikno sambah nan taserak kapado hadiran sadonyo.
• Dari sintuak kasanding baka, urang mamukek pagi pagi, dari ujuang taruih ka pangka, dari tangah sampai katapi, indak ba atok jo barompai, bukan bahinggo jo babateh, ketek indak basabuik namo, gadang indak bahimbau gala, ujuik taucap nan tapanggi nan hadir diateh rumah nangko. (Seterusnya …….kemudian disambah hadirin sasuai pangkek jo fungsinyo.)

Badan Pemerintah
• Sambah kapado bapak bupati sarato jo pak LKAAM, pak kapolres dan pak Kajari saganok muspida kasadonyo. Pusek jalo kumpulan ikan nan maatur nagari nangko, sakali gawa baribu ampun. ……..

Perangkat Adat
• Sambah kapado niniak mamak, nan gadang basa batuah, nan ba aka baurek tunggang, babatang badahan rampak, badaun baujuang rantiang, baputiak babungo kambang, babuah kato nan bana, buliah baselo diureknyo, buliah basanda dibatangnyo, gantuangan cupak nan duo, paratamo cupak asli nan kaduo cupak buatan.
• Sambah kapado niniak mamak, nan gadang basa batuah, nan bapucuak sabana bulek, nan baurek sabana tunggang, nan tinggi tampak jauah, nan gadang jolong basuo, kapai tampaik batanyo, kapulang tampaik babarito.
• Sambah kapado niniak mamak, nan bak kayu gadang ditangah koto, urek tampaik baselo, batang gadang tampaik basanda, dahannyo tampaik bagantuang, daun labek tampaik balinduang, kapanasan tampaik bataduah kahujanan

Perangkat Ninik Mamak
• Bila maulana jo tuanku, suluah bendang adat limbago, kok duduak bacamin kitab, tagaknyo rintang jo pituah, nan tahu halal jo haram nan tahu syah dengan bata, kok suluahnyo masa didunia bendangnyo sampai ke akhirat, kaundang undang ka madinah kapayuang panji kasarugo.
• Hulu balang jo ampang limo, jo manti pagawai adat, nan tahu disalah bana, tau dirantiang nan ka mancucuak, ataupun dahan nan ka mahimpok.
• Nan mudo pambimbiang dunia, parik dalam pagar kokoh, nan capek kaki ringan tangan, capek kaki indak panaruang, ringan tangan indak pamacah, aso tarantang duo sudah, pambangkik batang tarandam nan bahati suci muko janiah.
• Langkok sagalo bundo kanduang, limpapeh rumah nan gadang sumarak didalam kampuang, hiasan dalam nagari, kok auih bakeh mintak aia, kok lapa bakeh mintak nasi, iduiknyo tampek manyasa, kok matinyo tampaik baniaik, ambun puruak alung bunian urang nan duduak jo suratan.
Ujuang pasambahan kapado datuak…….
Kalilawa dipulau rimbang
Anak ruso mati tadabiah
Kok gawa minta ditimbang
Kok doso ampun nan labiah
Apo la nan ambo imbau kadatuak kini……
(Kemudian pembicaraan dilanjutkan pado acara nan kito maksud…)

About these ads

~ by Is Sikumbang on July 12, 2008.

2 Responses to “Pembukaan Pasambahan/Pidato”

  1. Ass, wr wb.
    Da ambo baru batamu referensi tantang minang kabauko da. maklum lah awak jauh di rantau. sanang bana rasonyo mambacu tantang papatah patitih minang ko. Kalau buliah pinta jo pinto, basadiolah uda mambantu ambo, mambuek surek undangan jo baso minang. karano kami urang awak nan ado di t4 ambo di tanjung, kalsel sangek awih dek caro-caro awak. Kabatulan da, awak di picayo kawan-kawan sabagai katua Ikatan Keluarga Minang. di tanjung. Kalsel.

    Awak ingin mambuek surek, sambutan dll sacaro awak, kalua bisa ada papatah patitihnyo, ado ndak referensinyo da?

    Salam hormat

    Pessy E.

  2. pidato memang harus di apa

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
Follow

Get every new post delivered to your Inbox.

Join 335 other followers

%d bloggers like this: