Hiduik Bamalu

Oleh : AB Dt Majo Indo

Indak alu sagadang iko
Alu talatak ditabiang
Indak malu sagadang iko
Malu tapacak dikaniang

Malue tapupue di muko
Arang tacoreng dikaniang

Pitalah rami balainyo
Urang sumpu manjua lapiak
Sasuku gulo sakati
Tanah sabingkah lah bapunyo
Rumpuik sahalai lah bamiliek
Malu nan balun dibagi

Dek ameh kameh
Dep padi manjadi
Manjilieh ditapi aie
Maradeso diparuik kanyang
Hilang bangso indak ba ameh
Hilang rono dek panyakik
Kain palinduang miang
Pitih panyaok malu

Habieh miang dek bagisie
Habieh malu dek biaso
Laki laki sarasan
Parampuan samalu
Lai samalu sa sopan
Lai sahino samulie

Babelok-belok pantau baranang
Bajipang batang mangkudu
Elok elok dirantau urang
Jan pulang mambao malu

Bak Bungo lai baduri
Bak Batang lai bamiang
Malu pamaga diri

Kamanakan manyambah lahie
Mamak manyambah dalam batin
Ganggam nan bauntuak
Suku tak dapek dianjak
Malu tak dapek dibagi

Rarak kalikih dek bindalu
Tumbuah sarumpun ditapi tabek
Kok habih raso jo malu
Bak kayu lungga pangabek

Nak urang koto hilalang
Nak lalu ka pakan baso
Malu jo sopan kok lah hilang
Habihlah raso jo pareso

Anjalai tumbuah dibanda
Sugi sugi tumbuah dibatu
Kalo nak pandai rajin baraja
Jikok nak mulie pakailah malu

Habiang sandiang dek bagesoh
Habih miang dek bagisie
Habih gali dek galitik
Habih malu dek binaso

Dari sinuruik ka Kumpulan
Basimpang jalan ka karatau
Malu batanyo sasek dijalan
Malu mandayuang hanyuik sarantau

Malu makan lapa paruik
Anak harimau malu jadi anak kambiang

Gabak kok indak jadi hujan
Bumi jo langik dapek malu

~ by Is Sikumbang on April 25, 2008.

2 Responses to “Hiduik Bamalu”

  1. ondeh byk pelajaran di siko, salam kenal sanak, mokasih alah singgah. ambo link yo…da🙂

  2. This website was… how do I say it? Relevant!! Finally I’ve found something which helped me.
    Thanks a lot!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: