Kato Pusako : Raso jo Pareso

Oleh A.B. Dt. Majo Indo 

nan dimakan raso
Nan diliek rupo
Nan didanga bunyi
Nan rancak di awak
Nan katuju di urang

Nak tahu dipadeh lado
Nak tahu di asin garam
Mangauik sahabih gauang
Mamakan sahabih raso

Elok diurang katuju dek awak
Disinan baru dijalankan

Nasi dimakan raso sakam
Aie diminum raso duri

Raso dibibie tapi cawan
alun dibali alah tajua
Alun dimakan alah taraso

Ganggam ganggam baro
Taraso Angek dilapehkan
Sio sio manjariang angin
Taraso lai dapek tidak

Tasirok darah didado
Gamuruah darah kamuko
Hati nan arok arok cameh
Arok ba bak raso kabuliah
Cameh bak raso ka marugi

Dek ati mati, dek mato buto
Dek raso binaso

Babue raso kamuntah
Bacarai raso kamati
Bapisah raso kahilangan

Jauah bajalan banyak diliek
Lamo hiduik banyak dirasoi

Rarak kalikih dek bindalu
Tumbuah sarumpun ditapi tabek
Kok habih raso jo malu
Bak kayu lungga pangabek

anak urang koto ilalang
Nak lalu ka pakan baso
Malu sopan jikok lah hilang
abih lah raso jo pareso

Disadur dari buku “Kato Pusako”

~ by Is Sikumbang on August 10, 2008.

2 Responses to “Kato Pusako : Raso jo Pareso”

  1. blog yang sangat luarbiasa da…😀
    main2lah ka http://forum.palanta.org samo2 babagi ilmu wak😀

  2. mantap Da…pa ubek hati…mambangkik batang tarandam…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: